தமிழகத்தை ஒரு டிரில்லியன் டாலர் பொருளாதாரமாக மாற்றும் முயற்சியில், முதலமைச்சர் மு.க. ஸ்டாலின் அவர்கள் ஒரு வரலாற்றுச் சிறப்புமிக்க அறிவிப்பை வெளியிட்டுள்ளார். இந்தியாவின் முதல் பிரத்யேக ‘தமிழ்நாடு டீப் டெக் ஸ்டார்ட்அப் கொள்கை 2025-2026′ தற்போது அமலுக்கு வந்துள்ளது.
அறிவியல் ஆராய்ச்சி மற்றும் புதிய கண்டுபிடிப்புகளை வெறும் ஆய்வகங்களுடன் நிறுத்தாமல், அவற்றை வணிக ரீதியாக பெரிய நிறுவனங்களாக மாற்றுவதே இத்திட்டத்தின் முக்கிய நோக்கம்.
இந்தக் கொள்கையின் முக்கிய சிறப்பம்சங்கள்:
- 100 ஸ்டார்ட்அப்களுக்கு ஆதரவு: அடுத்த ஐந்து ஆண்டுகளில் 100 உயர்தர டீப் டெக் ஸ்டார்ட்அப் நிறுவனங்களை உருவாக்கி வளர்க்க அரசு இலக்கு நிர்ணயித்துள்ளது.
- ரூ.100 கோடி முதலீடு: பொது மற்றும் தனியார் பங்களிப்புடன் சுமார் 100 கோடி ரூபாய் முதலீட்டைத் திரட்டி, இந்த நிறுவனங்களுக்கு நிதி உதவி வழங்கப்படவுள்ளது.
- அரசே முதல் வாடிக்கையாளர்: ‘Government as Early Adopter’ என்ற திட்டத்தின் மூலம், புதிய கண்டுபிடிப்புகளை அரசுத் துறைகளிலேயே முதலில் பயன்படுத்திச் சோதித்துப் பார்க்க வாய்ப்பு வழங்கப்படும். இதற்காக ஒவ்வொரு துறைக்கும் சுமார் ரூ.50 கோடி வரை நிதி ஒதுக்கப்படலாம்.
- திறன் மேம்பாடு: சுமார் 10,000 மாணவர்கள் மற்றும் இளைஞர்களுக்கு டீப் டெக் துறையில் சிறப்புப் பயிற்சிகள் வழங்கப்படும்.
எந்தெந்தத் துறைகளுக்கு முன்னுரிமை?
இந்தக் கொள்கையின் கீழ் பின்வரும் நவீனத் தொழில்நுட்பங்களுக்கு அதிக முக்கியத்துவம் அளிக்கப்படும்:
- செயற்கை நுண்ணறிவு (Artificial Intelligence)
- ரோபாட்டிக்ஸ் (Robotics)
- விண்வெளித் தொழில்நுட்பம் (Space Tech)
- உயிரித் தொழில்நுட்பம் (Biotechnology)
- செமிகண்டக்டர் (Semiconductors)
- தூய்மையான எரிசக்தி (Clean Energy
யாரெல்லாம் விண்ணப்பிக்கலாம்? (Eligibility)
- உங்கள் நிறுவனம் தமிழகத்தில் பதிவு செய்யப்பட்டிருக்க வேண்டும்.
- நிறுவனத்தின் மொத்தப் பணியாளர்களில் குறைந்தது 25% பேர் தமிழகத்தைச் சேர்ந்தவர்களாக இருக்க வேண்டும்.
- அறிவியல் ரீதியான புதிய கண்டுபிடிப்புகள் அல்லது அறிவுசார் சொத்துரிமை (Intellectual Property) கொண்ட தயாரிப்புகளை உருவாக்குபவராக இருக்க வேண்டும்.